1. Гадаад орчин, байдлыг ухаан мэдрэлдээ хүлээн авах, хүртэх: муухан мэдрэх (муухан мэдэх) - Биед нь хүмүүс хүрч байхыг муухан мэдрэвч... үл чадна. М.Цэрэндорж. Есөн хүсэл., мэдэрч эхлэх (гадаад орчноо анзаарч эхлэх), халуун хүйтнийг мэдрэх (цаг агаарын өөрчлөлтөөс болж бие махбод цочрох);

---

2. Ухаж мэдэх, ухамсарлах: дутагдлаа мэдрэх (өөрт буй гэм алдааг мэдэрч авах), мэдэрч сэнхрэх (ухаарах), мэдэрч ухаарах (ойлгох) - Таван мянган жилийн үеэс хүн сэтгэж байна гэдгээ мэдэрчээ. С.Лочин. XX зууны монголын журамлагдсан уран зохиол., *биеэр мэдрэх (а. Биед хүртэх; б. Ухамсарлан ойлгох) - Хожмын өдөр өөрийн биеэр мэдрэхийг үл мэдэж, чангаар инээж байлаа. С.Лочин. Сэтгэлийн өнгө., *зүрхээрээ мэдрэх (юмыг сайтар ойлгох, ухаарах) - Үсээ янзлан самнасан Цэрмааг хааяа киноны гэрэлд нүд нь гялсхийн эргэж харахыг зүрхээрээ мэдрэн байв. “Цог” сэтгүүл.