1. Бие махбодын үйл ажиллагаа, сэтгэхүйг удирдан жолоодох эрхтнүүдийн системийн нэгдэл - Мэдрэл бүхнийг эзлээд таатайяа. М.Цэдэндорж. Бурхан буудайн хөх салхи., мэдрэл муудах (мэдрэлийн эрхтэн өвчилж, мэдрэх чадвар муу болох) - Гэтэл хүү нь эцгээ амь үрэгдсэний дараа мэдрэл нь муудан улсын анхаарал халамжид байжээ. Ж.Дамдин. Үймээний жил., мэдрэлд нөлөөлөх (мэдрэлийн системд нөлөө үзүүлэх), мэдрэл авах (сэрэхүйн эрхтнүүд мэдрэх чадваргүй болох), мэдрэлийн систем (тархи, нугаснаас бүрдэх төв мэдрэлийн тогтолцоо), мэдрэлийн судал (бие махбодын үйл ажиллагааг эрхлэх тархи, нугаснаас салаалсан нарийн ширхгүүд), таван мэдрэл (үзэхүй, сонсохуй, үнэрлэхүй, амтлахуй, хүрэлцэхүй), мэдрэлийн эрхтэн (нүд, чих, хамар, хэл, бие), мэдрэлийн ядаргаа (мэдрэлийн системийн хэвийн бус үйл ажиллагаа) - Ойрдоо мэдрэлийн ядаргаа болоод... байна. Б.Жамц. Сэтгэлийн нууц., мэдээ мэдрэл [хоршоо] (сэрж мэдрэх нь), сэтгэл мэдрэл [хоршоо] (сэтгэн мэдрэх байдал), ухаан мэдрэл [хоршоо] (хүний бодит ертөнцийг мэдрэх чадвар), *мэдрэлийн сонор (мэдрэлийн эрхтэн, чих) - Үдийн гэрэлтэй наранд үдшийн бүрий замхрах адил мэдрэлийн сонор амсхийж мэргэн зүүдэнд зугаацна. Д.Нацагдорж. Хүн хэдэн удаа үхэж болох вэ;
--oOo--