Танин мэдэх үйл ажиллагааны үр дүнд тодорхой мэргэжлээр сурч боловсрол эзэмшсэн түвшин, мэдэц: мэдлэг сайтай (сурч мэдсэн зүйл ихтэй), мэдлэг нимгэн (сурч мэдсэн зүйл бага) -  Анхны гарч байгаа мэргэжилтний ялангуяа хэлний мэдлэг нимгэн байгаа. Б.Ринчен. Өмнө этгээдэд зорчсон тэмдэглэл., мэдлэг арвижих (аливаа зүйлийн талаар ухаарч мэдэх төвшин нэмэгдэх), онолын мэдлэг (ямар нэгэн зүйлийн талаарх онолын мэдэц, түвшин), мэдлэг боловсрол [хоршоо] (сурч мэдсэн зүйлийн төвшин), мэдлэг дадлага [хоршоо] (сурч эзэмшсэн зүйлийн түвшин, түүнийг амьдралд хэрэглэх чадвар), мэдлэг мэргэжил [хоршоо] (тодорхой салбарын мэдлэгийг тогтолцоотой эзэмших нь), мэдлэг туршлага [хоршоо] (ажил амьдралаас олж авсан мэдлэг чадвар), мэдлэг ухаан [хоршоо] (боловсрол болон хийсвэрлэн сэтгэх чадвар, мэдэц ухаан) - Дэлхийн олон улсын мэдлэг ухааны хэмжээтэй зүйрлэхэд… бага юм. Б.Ринчен. Монгол бичгийн хэлний зүйн удиртгал., мэдлэг чадвар [хоршоо] (хүний сурч эзэмшсэн түвшин, түүнийгээ хэрэглэх чадал, дадлага), оюун мэдлэг [хоршоо] (гадаад ертөнцийн тухай хүний тархинд бий болсон ойлголт) - Одоогийн хүмүүсийн оюун мэдлэг өргөн болсон цаг даа. Ч.Лодойдамба. Тунгалаг Тамир., толгойдоо мэдлэггүй бол хоёр хөлд амаргүй [зүйр цэцэн үг] (мэдлэг боловсролгүй бол юу хийхээ үл мэдэх гэсэн санаа), мэдлээ гэж бүү эрд мэдлэгийн зах хязгааргүй [зүйр цэцэн үг] (хүний сурах зүйл дуусашгүй гэсэн санаа).