1. Мууг нь ялгах, сонгох: муучлан идэх (онд орохгүй муу малаа сонгон идшинд хэрэглэх);

---

2. Муугаар үзэх, доромжлон зовоох: муучлан гадуурхах (муу үзэн гадуурхах), муучлан үзэх (дорд үзэх) - Эмч залуутай зүйрлэн муучлах дургүй байлаа. Л.Дашням. Нялх ногоо., муучлан тохуурхах (доромжлон тохуурхах), муучлан хэлэлцэх (муу гэж хэлцэх) - Ингээд чухам яах ёстойгоо, хүн, амьтан муучлан хэлэлцвэл биесээ яаж зөвтгөхөө, эцэг эхдээ юу гэж хэлэхээ ч мэдэхгүй... байв. С.Эрдэнэ. Өгүүллэгүүд., муучлахад муу юм олон, магтахад сайн юм олон [зүйр цэцэн үг] (сайнтай муутай байх гэсэн санаа), мууг бүү магт, сайныг бүү муучил [зүйр цэцэн үг] (бодит байдлыг үнэнээр нь хэлэх гэсэн санаа).