1. Үзэмжгүй, сайхан биш - “Би гэрт, энэ маань гадаа муухай болоод байж дөнгөх л байгаа даа” гэж эмгэний хэлэхэд хүү нь хатуу амтай ээждээ энэ удаа эгдүүцсэнгүй. Ш.Гаадамба. Элбэг дээл., муухай дуу (хахир, зэвүү хүрэм дуу) - Үхсэн морины толгойноос үхээрийн могой гарч, муухай дуугаар исгэрч мурилзан гулгаж ирээд... Ц.Дамдинсүрэн. Түүвэр зохиол., муухай зүүд (сэтгэл хирдхийлгэсэн таагүй зүүд), муухай үнэр (эвгүй үнэр), муухай царайлах (царай нь тааламжгүй, сайн биш харагдах), сайхан муухай [хоршоо] (тааламжит болоод тааламжгүй зүйл), *сайхан муухайгаа хуваалцах (зовлон жаргалаа хуваалцах), *муу муухайд нь хүрэх (хараах, доромжлох), *муу муухайгаа дуудуулах (бусармаг, буруу явдлыг нь ил хэлэх) - До захирагчийн эхнэр манайд залуу юм шиг орж ирээд над доромжлуулаад нөхөртөө аль муухайгаа дуудуулаад явж байсныг харсан шүү дээ. Ч.Лодойдамба. Тунгалаг Тамир., мууд муухай нэмэр, муухайд улцан нэмэр [зүйр цэцэн үг] (муу юмыг улам муу болгох гэсэн санаа) - муу ч бол эмтэй нь дээр, муухай ч бол үртэй нь дээр [зүйр цэцэн үг] (муу ч гэсэн гэр бүлтэй, үр хүүхэдтэй гэсэн санаа);

---

2. Эелдэг бус, ширүүн хэрцгий ааш зан: муухай аашлах (а. Эелдэг бус, ширүүн зан гаргах; б. [шилжсэн] Цаг агаар муудаж хүйтрэх) - Тэр орой тэнгэр муухай аашлах маягтай баахан бүүдийж байв. С.Дашдэндэв. Улаан наран., муухай үйл хийх (а. Эв найргүй байх; б. Зүй бус хэрэг явдал хийх), муухай харах (уурлаж, дургүйцсэн янзтай ширүүн харах);

---

3. [шилжсэн] Шударга биш, жигшиж зэвүүцмээр байдал: муухай ажил (шударга бус хэрэг явдал), муухай хүн (а. Нүүр царай, бие галбир сайхан биш; б. Муу санаатай, зальтай хүн), муу юмыг засаж болно, муухай гэмийг арилгаж болно [зүйр цэцэн үг] (муу муухай зүйлийг ч янзлан засаж болох), тэнгэрийн муухай арилах (тэнгэр цэлмэх);

---

4. Харамсмаар, аягүй: тоогүй муухай (харамсмаар зүйл), муухай явдал (харамсмаар хэрэг явдал);

---

5. [Яриа] Энхрийлэн өхөөрдсөн нь - Муухай жаал байна, миний муухай хүү.