1. Оюун ухаан нь гүйцэд задраагүй, тэнэг: уурын мунхаг (ихэд уурласнаас эрүүл ухаанаа алдах нь), ухааны мунхаг (ухаан балай, тэнэг) - Гэвч тэр бол залуугийн гай, ухааны мунхгаас болжээ. Ч.Лодойдамба. Тунгалаг Тамир., мунхаг балай [хоршоо] (харанхуй бүдүүлэг, тэнэг), мунхаг тэнэг [хоршоо] (ухаан мэдрэл муутай) - Тэгээд олон хүн намайг мунхаг тэнэг гээд шоолдог боллоо. Ц.Дамдинсүрэн. Түүвэр зохиол., мунхаг харанхуй [хоршоо] (бичиг үсэгт тайлагдаагүй, ном сурч, юм үзэж мэдээгүй байдал), эргүү мунхаг [хоршоо] (эргүү, тэнэг), орох цагийн хурыг огторгуйн салхи эвддэг, онох ухаан билгийг уурын мунхаг эвддэг [зүйр цэцэн үг] (ууртай байхад ухаантай үг гардаггүй гэсэн санаа), ухаантантай маргалдвал эрдэм гарах, мунхагтай маргалдвал баас гарах [зүйр цэцэн үг] (аливаа юмны үр дүн нь уг хүнийхээ ухаанаас шалтгаалдаг гэсэн санаа), муугийн туйл сайн, мунхгийн туйл мэргэн [зүйр цэцэн үг] (хэрэг явдал оргилдоо хүрвэл эсрэг тийшээгээ хөгжих гэсэн санаа) - Эдгээр цөм Богд хүний чин үнэн өршөөлийн зориг журам буюу, энэ даруй муугийн туйл сайн, мунхгийн туйл мэргэн… хэмээсэн нь энэ болой. В.Инжаннаши. Хөх судар; 2[хуучирсан] Биеэ бусдаас доорд үзэхэд хэлэх үг: мунхаг миний бие (би эрдэм чадал дорой) - Бид хоёр ёсолж төрлөсөн хойноо дэр нийлүүлнэ байх гэж мунхаг би бодож байна. С.Удвал. Их хувь заяа; 3. [хуучирсан] Бузар булай юм: мунхаг явдал (бузар явдал), *мунхаг балрын хэм (балар эртний цаг).