1. Дутуу дурган, дорой буурай: мөхөс айл (ядуу айл), ухаан мөхөс (ухаан муутай), хүчин мөхөс (хүч чадал муутай, дорой буурай) - Цагаантан түших тулах хүчин мөхөс сэтгэл санаагаар дорой байсан хэр нь монголд амжилт олж амь хоргодож чадна гэж итгэж байсан болов уу. С.Удвал. Их хувь заяа., мөхөс бодол (дутуу дулимаг бодол), бичиггүйн мэдлэг хомс, бялдуучийн хэрэг мөхөс [зүйр цэцэн үг] (бялдууч хүн олонд нэргүй гэсэн санаа), ганц хүн арга мөхөс, хоёр хүн арга төгс [зүйр цэцэн үг] (ажлыг ганцаар хийснээс хүнтэй хамтран нийлбэл арга, ухаан ихтэй гэсэн санаа);

---

2. [хуучирсан] Биеэ доорд үзэн хэлэх үг: мөхөс миний бие (дорд миний бие) - Мөхөс миний бие холхи хамгаалалд хэвийн мэнд сайн сууж амой. Г.Пүрэв нар. Д.Сүхбаатарын үйл амьдралтай холбогдох баримтат материалын эмхэтгэл.