1. Мөргөх үйлийн нэр, сүсэгтэн олны буян хишиг, энэрэл ивээл хүсэж, бурхан лам хуврагт сүсэглэн даатгасан бишрэл, залбирал: мөргөл үйлдэх (бурхан, лам багш зэрэг ямар нэгэн зүйлд итгэн биширч мөргөх), мөргөлийн дуган (мөргөл үйлдэхэд зориулсан том танхим), есөн мөргөл [хуучирсан] (гурвантаа сөгдөж, сөгдөх тутамдаа гурван удаа мэхэс хийн мөргөх), буян мөргөл [хоршоо] (өглөг, барьц өгөн залбирал үйлдэх нь), залбирал мөргөл [хоршоо] (залбиран мөргөх нь), эргэл мөргөл [хоршоо] (сүм хийдийн газар гороолон залбирал үйлдэх нь) -  Энд тэнд явж эргэл мөргөл хийжээ. Ц.Дамдинсүрэн. Толь Гэндэн;

---

2. Сүм хийдээс гүйцэтгэдэг хурал номын ёс: мөргөлийн хурал (равсал сахиус, үндсэн буюу жүд гурван хурал), мөргөлд явсан хүн борооны үүл хараад буцах [зүйр цэцэн үг] (өчүүхэн зүйлээр шалтаглан ажлаас хойш суух гэсэн санаа), мөс цасны ус нэг, мөргөл залбирлын сүсэг нэг [зүйр цэцэн үг] (хоорондоо ялгаагүй зүйл гэсэн санаа).