1. Иргүй, даац муутай: мохоо сэлэм (иргүй сэлэм) - Тэр нэг гартаа улаан туг, нөгөө гартаа муруй, мохоо сэлэм барьсаар дээш мацан… байлаа. И.С.Тургенев. Ангуучны тэмдэглэл., мохоо өнцөг (тэгш өнцгөөс их, дэлгээ өнцгөөс бага), мохоо дэгээ (эд эрхтнийг татаж тэлэхэд зориулагдсан мэс заслын үзүүргүй гох татуурга), мохоо могой [амьтан] (толгой өргөн болоод охор, хошуу мохоо, хүзүү нарийн, бие хавчгар, сүүл нарийн, уулархаг орны модонд буюу газарт байрлаж үдэш гарч, эмгэн хумс, нүцгэн салс, өт зэргээр хооллодог, хоргүй бөгөөд нялцгай биетнийг устгадаг учраас тариаланд ашигтай зайгуул могойн язгуурын амьтан) - …хошуу мохоо, нүд дунд зэрэг, хамрын нүх нь нүднийхээ ойр байрладаг. Амьтны зурагт толь., харамч эзний хутга мохоо [зүйр цэцэн үг] (гар татах гэсэн санаа), мохоо сүхээр мод огтлох [зүйр цэцэн үг] (хурц багажгүй бол ажил хэрэг бүтэлгүйдэж, удаашрах гэсэн санаа), мохоо боловч хутга, муу боловч залуу [зүйр цэцэн үг] (иргүй боловч хутга, муу боловч хүн гэсэн санаа);

---

2. [шилжсэн] Ухаан муу, сэргэлэн биш: мохоо ухаантай (ухаан муутай);

---

3. Хашин хойрго: мохоо хүн (залхуу хойрго хүн), *мохоондоо тулах (а. Арга мухардах; б. Ихэд ядарч туйлдах, зовох; в. Хэрүүл тэмцэл туйлдаа хүрэх), *мохооны багш (бусдыг аль нэг талаараа үргэлж давж, мохоож байдаг хүн).