1. Зарим ямаа, хонь, гөрөөс мэтийн адгуус амьтны хүзүүнд унжин явах бөөрөнхий, годгор хэлбэртэй ур, монцог: хос молцогтой ямаа (хүзүүндээ зэрэгцэн унжсан хоёр бөөрөнхий, годгор уртай ямаа), молцог элс (хэсэг хэсгээрээ товойн тогтсон молцог мэт хэлбэртэй элсэн бөөм), молцог хандгай [амьтан] (хоолойдоо гучин сантиметр хүрэх арьсан унжлагатай хандгай), *молцог мэт дагуулах (биенээсээ салгалгүй авч явах) - Хар нялхаас нь аваад өдий хүртэл нь хажуудаа молцог шиг дагуулж явсан… билээ. Г.Нямаа. Өртөө буюу дэр мод., муу хүн мундартай, молцог элс ярвигтай [зүйр цэцэн үг] (саад тотгор ихтэй гэсэн санаа);

---

2. [хуучирсан] Хазаарын сагалдарга, хөмөлдрөгт унжуулсан цацагтай чимэг - Молцог, хөмөлдрөг хударга бүрдсэн гоёмсог эмээл бүхий жороо мориндоо мордов. С.Дашдэндэв. Улаан наран., цацаг молцог [хоршоо] (хазаарын сагалдарга, хөмөлдрөг зэргээс унжуулан зүүх чимэг).