1. Ундаасах, цангах: ам ангах (ундаасаж ам хатах) - Өдрийн халуунд хүүхдийн ам ангажээ. С.Эрдэнэ. Өгүүллэгүүд., ангах цангах [хоршоо] (ус дутагдан ундаасах), залхуу нь толгой өвдлөө гэх, зальтай нь ам ангалаа гэх [зүйр цэцэн үг] (элдэв зүйлээр шалтаглан ажлаас хойш суух гэсэн санаа);

---

2. Ус бороо ховордож, газар хатаж хуурайших - Саяхан чи тэнгэрийг бүрхээд, цацарсан цахилгаан чамайг ороогоод, аянгын дууг нижигнүүлэн байж, ангасан газрыг хураар ундлав. Ц.Дамдинсүрэн. Түүвэр зохиол., ангасан тал (хатаж хуурайшсан тал) - Ангасан тал нутаг минь сэргэв. Ц.Дамдинсүрэн. Түүвэр зохиол.