1. Оролдох, цаашлуулах: маажих малтах [хоршоо] (оролдон цаашлуулах) - Гадаа унтахад заавал дээрээс харайлгаж, маажиж малтдаг саваагүй ямаанууд тэр шөнө бидэн дээр ирээгүй атал баруун айлыг үймүүлсээр хоносон гэнэ. Г.Дүйнхэржав. Арилшгүй мөр;
2. Бусдын муу муухайг нь уудлах, хорыг нь хөдөлгөх:
гуулийг нь малтах (мууг нь илчлэх, муу муухайг нь дуудах),
гэмийг нь малтах (гэм бурууг нь тоочин өгүүлэх),
уурхайг нь малтах (а. Орд газрыг нь малтах; б. Хүний хийсэн муу муухай үйлдлийг нь өгүүлэх),
хорыг нь малтах (ёжилсон зэвүүн үг хэлж, унтууцлыг нь төрүүлэх) -
Зарим нэг хүн хорыг нь малтана. Ч.Чимид. Хавар намар., шарыг нь малтах (муу үг хэлж, уурыг нь хүргэх),
магтахыг маргааш, малтахыг өнөөдөр [зүйр цэцэн үг] (ажил хийсний дараа нь магтан сайшаах гэсэн санаа).