1. Хэрэг явдлын үнэнийг магадлах, дахин асуух: лавлан асуух (хэрэг учрын үнэн эсэхийг тодруулан асуух), лавлан барилцах (бөхчүүдийн харилцан лав барилцах), лавлан үзэх (а. Андуу харсан байх гэж дахин сайтар ажиглах, барьж тавьж үзэх: б. Хэрэг явдлын үнэн эсэхийг тодлоход хяналт болгож ашиглах), лавлах бичиг (мэдэхийг хүссэн зүйлийг олж үзэх ном, бичиг), лавлах товчоо (асуусан хүссэн зүйлд хариу өгөх газар), лавласан явдал ташааралгүй, савласан юм гээгдэлгүй [зүйр цэцэн үг] (аливаад хянамж, болгоомж чухал гэсэн санаа), асуух лавлах [хоршоо] (асууж баттай мэдэх) - Асууж лавлах, хэлж ухуулаад өгөх хүн олдохгүй байжээ. Д.Найманжин. Оломгүй далай;
--oOo--