Хэвлэх


2024-03-29 04:51:49http://mongoltoli.mn/

ИШИГ

1. Ямаа, янгир зэрэг амьтны үр төл - Болдынх манайтай айл бууснаас хойш бид хоёр хурга ишгээ ээлжлэн хариулах боллоо. Л.Дашням. Нялх ногоо., ишиг орхих (боос ямааны зулбах, ямаа дутуу төрөх), ишиг хаях (ишиг орхих), ишиг хурга [хоршоо] (бог малын үр төл), ишиг эврээ ургахаар эхийгээ мөргөх [зүйр цэцэн үг] (ачийг умартан эргэж тэрслэх, хорлох гэсэн санаа), ишгэн тэхийн ухнатах хүсэл их [зүйр цэцэн үг] (өчүүхэн бага байтлаа юм бүхнийг чадах сүр дүр үзүүлэн аашлах гэсэн санаа), ухна ишгэнд аашлахгүй зан үгүй (ишгэн тэхийн ухайтах хүсэл их), ишигний зовлонг ухна мэдэхгүй [зүйр цэцэн үг] (хүний зовлонг өөр хүн мэдэхгүй гэсэн санаа), *өнчин ишиг ч дутаахгүй (ганц мал ч дутаахгүй, хумсын чинээ юм ч хороохгүй гэсэн санаа) - Ардын засаг үүссэнээс хойш өнчин ишиг ч аваагүй Төмөртэй энэ засгийн өмнө хэлэлцээд, хэрэгт орохоос өөр юмгүй мэт Донирт бодогдов. Ч.Лодойдамба. Тунгалаг Тамир., *ишгэн шийр ч үгүй (юу ч үгүй ядуу хоосон гэсэн санаа), *ишиг эгээ л хаячихсангүй (эгээ л хөлдчихсөнгүй, маш их даарах);


2. [шилжсэн] Хоёр настай: ишгэн шаваг [ургамал] (ишгэн шарилж), ишгэн шарилж [ургамал] (хоёр наст шарилж: ишгэн шаваг, хамба шарилж).

--oOo--