1. Эш; хэрэг шалтгааны уг сурвалж, үндэс: иш мухаргүй (үндэсгүй, учир нь олдохгүй) - Багийн дарга ирлээ! гэлцэн иш мухаргүй зар тараав. Ж.Дамдиндорж. Суваргын нууц., иш татах (өгүүлэл зохиолд бусдын ном ярианаас эх үндэс болгон авч бичих ярих), иш үзүүргүй (эх үзүүргүй) - Иш үзүүргүй юугаа хэлж байгаа санаатай юм бол. Т.Рэнцэн. Шинэ даваа., иш үндэсгүй (шалтаг, шалтгааны үндэсгүй) - Бидэнд олдож буй тодорхой мэдээг иш татваас, долоон хошуу наадам 1805 буюу Сайшаалт ерөөлтийн 10-р оноос эхлэн баримт сэлт нь олдож байна. Ж.Дамдин. Монгол бөх., иш хийх (а. Иш татах; б. Юмд иш хийх), иш хэлхээ [хоршоо] (уг гарвал, сурвалж) - Арван гурван зүйлийн судар бичиг цэдэг туужийн зүйлд үзвээс Чингис хааны хүний иш хэлхээнд халдсан явдал үс хялгасны ч төдий үгүй. В.Инжаннаши. Хөх судар;

---

2. Онол чойр - Найргүй шавь нарын сэтгэл бол иш ухааны сургаал олдох тусам уйдна гэжээ. Д.Равжаа. Зохиолын эмхэтгэл., иш үзүүлэх (утга битүүлэг зүйлийг илрүүлэн гаргах), иш чойрыг нээх (онол чойрыг нээх);

---

3. Учир шалтгааны зөвшөөрөл, ёс - Та хэнээс иштэй явж байна? Яриа., иш авах (зөвшөөрөл авах), иш ёс (дагаж мөрдөж явах ёс), иш зүйд нийцэхгүй явдал (ёс зүйд нийцэхгүй явдал), иш олох (зөвшөөрөл авах, зөвшөөрөл олох).