1. Аливаа юм тэндээс энд болох, наашлах, ойртох: ямар нэг юм энд хүрэх - Энэ орой гэрийн эзэд ёслох цагаалахын хамт гаднаас зочид гийчид ирэх нь тоогүй олон. Д.Нацагдорж. Зохиолууд;

---

2. Аливаа юмны тохиох, болох баярт үе - Ардын төр тогтсон бол жаргах цаг нь ирж байгаа нь тэр. Л.Түдэв. Уулын үер., жаргалтай цаг ирэх (жаргалтай цаг тохиох), зун, хавар, намар, өвөл ирэх (зун, хавар, намар, өвлийн улирал эхлэх), гай зовлон ирэх (зовлон гамшиг учрах), үхэл ирэх (үхэлтэй тулгарах, үхэх цаг болох), сарын юм ирэх (эмэгтэй хүний сард нэг тохиох муу цус гадагшлах);

---

3. Ирээдүйд юмны болох, гарах - Өөртөө магад ирэх үйл явдлыг үйлдээгүй цагаасаа бодож мэдвэл мэргэн буй заа. Субашид., ирэх жил (дараа жил), ирэх зун (дараа зун, одоо тохиох зун), ирэх өдөр (маргааш);

---

4. Үйлийн нөхцөлдүүлэн холбох нөхцөл бүхий үйл үгийн дараа орж наашлах, ойртох, хүрэхийг заах - Намайг яваад авгайчуудаас хувин гуйгаад ир гэж манайхан хэлэв. С.Бадраа. Амьдрал;

---

5. Зарим үед нөхцөлдүүлэн холбох нөхцөл бүхий үйл үгийн дараа орж туслах үйл үгийн үүрэг гүйцэтгэх - Өдий төдий ажил зөндөө гарч ирдэг юм. Ч.Лхамсүрэн. Шүлэг., ирсэн замаараа сурсан дуугаа дуулаад буцах [зүйр цэцэн үг] (илүү дутуу үггүй буцах, дассан сурснаараа замаа бодох) - Будааны чинь сав бүтэн дээрээ ирсэн замаараа сурсан дуугаа дуулаад морилбол зүгээр байх шүү. Ч.Лодойдамба. Тунгалаг Тамир.