1. Хүн, амьтан, ургамлын төрж бий болохоос үхэж мөхөх хүртэлх үеийн оршин байх үе: амьтны амьдрал (амьтны амьд явах хэлбэр), ургамлын амьдрал (ургамлын ургах, үржих хэлбэр), хүний амьдрал (хүний амьд оршин байх үе) - Газар минь хэрэв чи байхгүй байсан бол ер нь хүний амьдрал гэж энэ дэлхийд юу байх билээ. Д.Мягмар. Уянгын туужууд., амь амьдрал [хоршоо] (а. Ахуй амьдрал; б. Амь нас) - Сандаг өвгөн шиг ан амьтны амьдрал, араншин төрхийг мэддэг бол яах бэ. Б.Бааст. Алтайн хөх дөнөн., амьдралаа холбох (гэр бүл болох, ханилан суух) - Итгэсэн учраас Дулмаатай амьдралаа холбож, амьдралд минь ганцхан удаа тохиолдох эрхэм баяр хуримаа түүнтэй хийх болсон. Ч.Лодойдамба. Манай сургуулийнхан., гэр бүлийн амьдрал (гэр бүлийн аж төрөл), нийгмийн амьдрал (нийгмийн хөгжил хөдөлгөөн), хамтын амьдрал (хамтын аж төрөл), хотын амьдрал (хот суурин газрын аж төрөл), хөдөөгийн амьдрал (нүүдэлчин ардын аж төрөл), цэргийн амьдрал (цэрэг хүний аж төрөл) - Дайчин эрийн цэргийн амьдрал тун сонин. Ч.Лхамсүрэн. Хурандаа;

---

2. Хүрээлэн байгаа бодит байдал, нөхцөл байдал - Миний охин амьдрал мэдэхгүй гэнэн байна. С.Лочин. Сэтгэлийн өнгө;

---

3. Амь зуулга, аж төрөл: амьдрал дээшлэх (амь зуулга дээрдэх) - Амьдрал маань дээшилж, овоохой маань таван ханатай гэр боллоо. С.Удвал. Та бид уулзана., амьдрал дордох (амь зуулга дордох), амьдрал хүндрэх (аж төрөхөд бэрх болох), амьдрал тэгш (аж төрөл тэгш), амьдрал ядуу (амь зуулга муухан), амьдралын өртөг (амь зуулгын өртөг), амьдралын түвшин (амьдралын хэр хэмжээ, амьдралын боломж бололцоо), амьдралын хэрэгцээ (хүний хэрэгцээний хэр хэмжээ), аж амьдрал [хоршоо] (ахуй амьдрал), ахуй амьдрал ~ амьдрал ахуй [хоршоо] (аж төрөл) - Амьдрал ахуйд хоромжгүй үхэж эчвээ. В.Инжаннаши. Хөх судар.