1. Хүний зан авир, ааль: ааш муутай (зан муутай), ааш сайтай (зан сайтай), зөөлөн ааш (хүнтэй харьцахдаа эелдэг зөөлөн) - Эелдэг зөөлөн аашаар энэхүү ертөнцийг хайлуулсан, энэтхэгийн залуу бүжигч охин чамтай танилцахыг хүснэ. Д.Нацагдорж. Зохиолын түүвэр., хөөрхөн ааш (ааш зан нь дур булаам, сэтгэл татам), сайхан ааш (ааш зан нь төлөв зохистой), цэвэр ичимтгий ааш (эелдэг даруу зан) - Санан санан уярах цэвэр ичимтгий аашинд, сайхан бүсгүйн сэтгэлийг эзэгнэнхэн төрлөө би. Б.Явуухулан. Би хаана төрөө вэ., ааш авир [хоршоо] (зан байдал) - Ахайн ааш авир жилээс жилд жир бус болжээ. А.Дашням. Хүрэндэлтийн хүүхэн., ааш араншин [хоршоо] (зан ааш, авир байдал) - Ааш араншин отчоос огт ондоо. А.Дашням. Өлзийнарангийн өчил., ааш аяг [хоршоо] (зан авир, дүр байдал) - Эр хүнд энэ зэрэг ааш аяг байлгүй яах вэ. А.Дашням. Хүрэндэлтийн хүүхэн., ааш бааш [хоршоо] (элдэв авир, заль мэх) - Огтоос мартсан мэт ааш бааш гаргах нь энэ үү. Ж.Боккаччо. Декамерон., ааш байдал [хоршоо] (дүр байдал) - Ааш байдлыг ажиглан үзвэл өөр зуураа үг хэлэлцэх тусгай нэгэн хэлтэй болой. Ж.Верн. Арван таван наст капитан., ааш дүр [хоршоо] (ааш байдал) - Алтаншаагийн ааш дүрийг бодсоор санамсаргүй түүний салах үед сайхан хөмсгөө атируулж... В.Инжаннаши. Хөх судар., ааш зан ~ зан ааш [хоршоо] (хүний аашлах байдал төлөв) - Хэн нь ийм ялдам нийцтэй бөгөөд ааш зан сайныг ажвал... Ж.Боккаччо. Декамерон., ааш маяг [хоршоо] (хүний аашлах намба төрх), ааш явдал [хоршоо] (зан ааль, үйл хөдлөл) - Түүний ааш явдал нь ямар учиртай вэ. Ж.Верн. Арван таван наст капитан., хил ааш [хоршоо] (зан байдал), арслангийн ааш хаванд таарахгүй, гардийн шүүрэлт шаазгайнд тохирохгүй [зүйр цэцэн үг] (хэр чадалдаа зохицсон ааш авиртай гэсэн санаа);

---

2. Муу зан: адайр ааш (ад мөрийн ааш), ад мөрийн ааш (этгээд гажууд зан авир), олон ааш (хувирамтгай тогтворгүй зан), ааш орох (зан нь хувирах), ааш үзүүлэх (бусдад элдэв муу зан гаргаж, дургүйгээ мэдэгдэх), ааш нь олдохгүй (тогтворгүй зантай), ааш нь хөдлөх (муу зан нь илрэх, ааш гаргах), *аашны тулам (ааш ихтэй), *аашны хөрөнгө (ааштай, ааш ихтэй), ааш муутайдаа гологдоно, ажил муутайдаа хожигдоно [зүйр цэцэн үг] (ааш зан муутай, залхуу хойрго бол амжилт гаргахгүй гэсэн санаа), оролдлого сайт оройд нь, оволзуур аашит ёроолд нь [зүйр цэцэн үг] (ахиж дэвшихэд хөдөлмөр зүтгэл чухал гэсэн санаа), ааш гэж адасга, зан гэж зараа [зүйр цэцэн үг] (авир зан муутай гэсэн санаа), аашийг нь сурахаар, ажлыг нь сур [зүйр цэцэн үг] (элдэв муу зан сурах биш ажил хийж сур гэсэн санаа).