Малын чихийг хайчилж тэмдэглэсэн таних тэмдэг: малын им (малын чихний хайчилбар, цоолбор тэмдэг), онь им (чихний хойд, үзүүр этгээдээс ухаж авсан тэмдэг), ухмал им (чихний хойд, дунд хэсгээс ухаж авсан тэмдэг) - Янз бүрийн имийн дотроос цуулбар буюу босоо хагалбар, онь, ухмал, шоргоолжин, чанцага, цэцэг, сүйх, хөндлөн, тайрсан, зүрх, сам зэрэг им үлэмж дэлгэрчээ. Д.Гонгор. Халх товчоон., им тамга [хоршоо] (малын тамга тэмдэг) - Им тамга бүхий нь тодорхой байлаа. С.Дашдооров. Говийн өндөр., им тэмдэг [хоршоо] (чихний цоолбор, хайчилбар тэмдэг).