1. Гараар зөөлөн шүргүүлэн арчих - Эх турьхан урт хуруунуудаараа хүүгийнхээ толгойг энхрийлэн илбэж, том хар нүднээсээ нигүүлсэнгүй гэрэл бадруулна. С.Эрдэнэ. Хонгорзул., нүүрээ илбэх (нүүрээ зөөлөн илэх), сахлаа илбэх (сахлаа зөөлөн шувтрах);

---

2. Ихэд хайрлан таалах: илбэн таалах (энхрийлэн илж таалах);

---

3. Салхи зөөлнөөр шүргэн үлээх - Морины хатираанд замын чулуу шаргин, хурын чийг үнэртсэн зөөлөн салхи илбэж, хангайн түмэн ургамлын үнэр хоршин сэнгэнэнэ. Д.Гарамжав. Нэгэн өглөө;

---

4. [шилжсэн] Өршөөх, засаж болгоох, хүмүүжүүлэх - Хааны илбэн өршөөн хүртээсэн өглөгийг хишиг хэмээмүй. Гучин зургаат тайлбар толь., илбэн засах (а. Уран зөөлөн арга мэхээр захиран ноёрхох; б. Илбэн тохинуулах), илбэн тохинуулах (хамжин төвшитгөх).