1. Гарамгай давуу хүч, чадал чадвар: идээ гаргах (байгаа бүх хүч чадал, арга ухаанаа дайчлах), ид бах [хоршоо] (бах тав) - Ид цуутай хүлгийн ид бахыг сорив. Халх ардын тууль., ид бах болох (а. Хүчээ үзүүлэх: б. Хүч түрэмгийлсэн муу үйлдээ сайрхах), ид хав [хоршоо] (а. Хүч чадал, тэнхээ тамир; б. Ид бах) - Энэ залуу хориод насныхаа ид хаваар улаа бутарч явна. Б.Нямаа. Арандалынхан., ид хүч [хоршоо] (биеийн бяр чадал, тамир тэнхээ гоц үе), ид чадал [хоршоо] (ид хав, хүч тэнхээ), ид эрч [хоршоо] (хүн амьтны хурд, ажил үйлийн эрчмийн оргил үе);

---

2. Аливаа зүйлийн яв, цаг хугацааны оргил үе: ид ажлын цаг (ажил өрнөж буй үе), ид залуу нас (галтай залуу нас), ид зун (зуны дунд), ид халуун (дүн халуун), ид хүйтэн (дүн хүйтэн), ид шөнө дунд (шөнө дүл цагт), ид тулалдаан (тулалдааны төв дунд, өрнөл дунд), ид хурал болж байхад (яг хуралдаж байхад) - Цагаан идээний зүйл идэж уусаар овоо тэнхэрч өвлийн ид хүйтэн эхэлж байх үед би хэвтэр орноос бослоо. Ж.Дамдин. Үймээний жил.