Жалх муутай үнсэн саарал өнгө, зүс: зэгэл саарал [хоршоо] (үнсэн саарал) - Тэр цонхоор үдшийн зэгэл саарал гэгээ тусах боловч хүмүүсийн царай үл ялгарна. Ц.Уламбаяр. Зовлон жаргал., Цурамны зүүн талаар нөгөө зэгэл саарал хувцастай бас нэг бүлэг морьтой ергүүлэн өнгөрлөө. Б.Нямаа. Арандалынхан., зэгэл алагдааганцар [амьтан] (бараан загалт зэгэл саарал зоотой, хацар, уруул, хоолой, хэвэл, сүүлний үзүүр тод цагаан, говь, цөлийн борзон, хагшаастшил, тойром хавийн бударгана, загтай газар төдийгүй элсэрхэг, хайрга бүрхүүлт дагжуур газар ч тааралддаг ургамал идэшт хөхтөн).