1. Юм оёход зориулсан утас сүвлэх сүвэгч бүхий нарийхан төмөр: ган зүү (а. Ган төмрөөр хийсэн хурц үзүүртэй нарийхан зүйл: б. Ган төмрөөр хийсэн зүү), нэхмэлийн зүү (утсыг наагуур цаагуур нь зөрүүлэн нэхэх, нэхсэнээ алдруулахгүй байлгах зэрэг зориулалтын зүү, олон зүйлтэй), зүү ороох (нэгэн зүйл оёдлын нэр; утсаар хээ угалз даруулах утсыг зүүнд сүвлээд дэвсгэрт хатгаж, угалз тавих утсыг зүүний үзүүрт ороож даруулан оёх), зүү сүвлэх (зүүний сүвэгчид утас дүрэх), зүүний сүвэгч (зүүнд утас дүрэх нүх, зүүнд утас сүвлэх нүх), зүүний сүвэгч шиг (сүүмэлзэн гялайх төдий) - Огторгуйн хязгааргүйн уудамд зүүний сүвэгч шиг гялан гялан хийж байгаа үдшийн Цолмонг ширтэн харж, тэр хүртэл хайр сэтгэлээ илгээнэ гэдэг мөн ч их хүч шүү. Д.Даржаа. Алс холын ертөнцөд жуулчилсан нь., зүүний сэнж (зүүний сүвэгч, утас сүвлэх нүх), зүү тэвнэ [хоршоо] (юм оёх том жижиг зүү), зүү утас ~ утас зүү [хоршоо] (юм оёх хэрэгсэл) - Ижий намайг дэргэдээ суулгаж, зүү утас бариулаад юм оёхыг зааж өгдөг байлаа. С.Удвал. Та бид уулзана., зүүний хулгайч [ургамал] (иш нарийн, хонгор зулын тэргүүтэй адил түрүүтэй боловч бяцхан; багваахай), *зүү орох зайгүй (маш дотно) - Зүү хатгах зайгүй үерхэж нөхөрлөж байсан. С.Лочин. Сэтгэлийн өнгө., зүүнээсээ гарах (үйл гүйцэх, оёж дуусах), *өвсөн дотроос зүү эрэх (хэцүү бөгөөд бүтэшгүй зүйл гэсэн санаа), *хөх зүү хөндлөн барьж үзээгүй (оёдол үйл мэдэхгүй, юм оёж сураагүй);
--oOo--