1. Аливаа хэрэг явдал, зүйлийн төлөөх чармайлт, мэрийлт: зүтгэл гаргах (аливааг бүтээхийн төлөө хичээн чармайх), зүтгэл үзүүлэх (хүч хөдөлмөрөө шавхаж, үр дүнд хүрэхийн төлөө мэрийх), зүтгэл чармайлт [хоршоо] (ямар нэг үйл явдал, чухал зүйлийн төлөө зориулсан хичээл чармайлт, хүч), мэрийлт зүтгэл [хоршоо] (идэвх чармайлт), хичээл зүтгэл [хоршоо] (ажил хөдөлмөр, сурлагад гаргах идэвх санаачилга, чармайлт), хөдөлмөр зүтгэл [хоршоо] (үйл ажлын төлөө гаргасан хүч хөдөлмөр, хичээл чармайлт) - Зорьсноо биелүүлэхэд зүтгэл хэрэгтэй. Ж.Дашдорж. Монгол цэцэн үгийн далай;

---

2. Гавьяа: бүтээл зүтгэл [хоршоо] (хөдөлмөр зүтгэл) - Зүтгэл бүтээл гаргадаг ч, бодох ухаан оргилдог. В.Шарма. Таван сургамж., гавьяа зүтгэл ~ зүтгэл гавьяа [хоршоо] (үнэлэн сайшаагууштай хүч хөдөлмөр, идэвх чармайлт) - Голын Сараны он жил хэдий удаагүй боловч улс төрд таван мужийг дагуулсан зүтгэл гавьяа буй болой. В.Инжаннаши. Хөх судар.