1. Дотроо хөндий зайтай юмны ам тал - Луу зөрүүлж сийлсэн нарийн хийцтэй ёроол нь эвдэрч, амсар нь цоорсон том мөнгөн аяганд хэн хүнд цай хийж өгдөггүй. С.Удвал. Их хувь заяа., нүхний амсар (нүхний ирмэг), савны амсар (савны задгай ам), ходоодны амсар (ходоодны ам), ам амсар [хоршоо] (юмны ирмэг, зах), *аяганы амсар зуух (а. Цай хоол амсах - Аяганы амсар зуунгуут нойр хүрч эхэллээ. Д.Мягмар. Уянгын туужууд; б. Удтал өлөн байсны эцэст унд хоол идэж уух);

---

2. [уурхай] Газар доорх олборлолтын үед гадаргуу руу шууд гарах зориулалтын нүхэн гарц;

---

3. [хуучирсан] Уулын ам, боомт сүв газар - Тэлэтү амсарт гүйцэж Сача бэхи Тайчу хоёрыг барив. Монголын нууц товчоо;

---

4. [ургамал] Үр тогтох орны нүх.