1. Нимгэн гэдгийн эсрэг утга; хавтгай биеийн хоёр гадаргуугийн хоорондох зай их: зузаан банз (бахим бүдүүн банз), зузаан дэвсгэр (олон давхаргатай дэвсгэр), зузаан дэвтэр (олон хуудастай дэвтэр), зузаан уруул (өргөн, памбагар уруул), зузаан цас (хөрлөж тогтсон цас), зузаан эсгий (бандгар эсгий) - Аливаа юм багаас их болж нимгэнээс зузаан болдог. Д.Гонгор нар. Д.Сүхбаатарын тухай дуртгалаас., *зузаан нүүртэй (ичиж зовохоо мэдэхгүй);

---

2. Арвин их, нягт шигүү: зузаан будан (их будан) - Тэртээ зүүн зүгт зузаан цагаан будан хөвөлзөн суунаглана. С.Эрдэнэ. Хонгор зул., зузаан манан (өтгөн манан), зузаан хөрөнгө (хур хөрөнгө, арвин хөрөнгө), гүн зузаан ой (а. Маш шигүү ургасан ой; б. Ихээхэн газрыг эзлэн ургасан ой), хүй зузаан (а. Ах дүү өнөр олуулаа; б. Хүй бүрэн), зузаан ховол [ургамал] (нүцгэн ховлын навчтай адил навчтай, өвөл зулгарахгүй, цагаавтархан дүрстэй, өндөр нь хэд хэдэн хос алд, зулам шар нэгэн зүйл мод), зузаан цай (цайны навчийг засварлан болгож хэвт шахан хийсэн хэвлэмэл цай);

---

3. [шилжсэн] Хайр халамж бат бэх, сэтгэл маш дотно: зузаан найрамдал (бат найрамдал) - Монгол-Зөвлөлтийн ард түмний бат зузаан найрамдлыг холбосон олон сэжим байдаг юм. М.Чойжил. Андын нутаг алсдахгүй., зузаан нөхөрлөл (дотно нөхөрлөл), зузаан танил (дотно танилцсан итгэлт хүн), зузаан холбоо (бат бэх холбоо).