1. Аливаа юмны дүрс, ширхгийн жишүү, ташуу: зөрүү зам (ташуу зам), зөрүү захтай дээл (лам захтай дээл), зөрүү судалтай торго (ташуу хээтэй торго, ташуу судалтай торго), зөрүү харах (хүний нүүр лүү эгц харахгүй байх), зөрүү ширхэг (хөндлөн ширхэг), солиу зөрүү [хоршоо] (юмны жишүү, ташуу байдал);

---

2. Хүн, амьтны зан, явдал нийлэхгүй, зөрүүд, мугуйд, гажуу ташуу: зөрүү зантай хүн (нийцгүй зантай хүн), зөрүү мунхаг [хоршоо] (аливаа зүйлийн учир утгыг буруу тийш хандуулах зүтгэдэг зан) - Хаан тэр По шиг үзвээс эгнэгт зөрүү мунхаг хүн. В.Инжаннаши. Хөх судар;

---

3. Буруу, андуу ташаа: зөрүү харах (буруу харах, андуу харах), буруу зөрүү [хоршоо] (гажуу буруу, андуу ташаа), гажуу зөрүү [хоршоо] (гажуу солиу);

---

4. Зөрөөтэй, зөрсөн нь: саналын зөрүү (саналын зөрөө), цалингийн зөрүү (цалингийн их, бага хэмжээ), зөрүү хараат (солбицол бүхий нэг зүйл дуран).