1. Ёс журам, хэв байдлыг үл дагах, зөрчих: дүрэм зөрөх (дүрмийг санаатайгаар зөрчих), санаатайгаар зөрөх (зориуд зөрж зөрүүдлэх);
2. Юмны хоёр тийш өнгөрөх явах:
машин зөрөх (машин хоёр тийш өнгөрөн явах) -
Замын уулзвар дээр түүнийг ирэхэд зөрөх машинууд зам тавьж хүндлэн өнгөрөөнө. “Цог” сэтгүүл., хүн зөрөх (хүн хоёр тийш өнгөрөх);
3. Хүн, амьтны уулзаж тулгарч чадахгүй байх, төөрөх:
зөрөөд байх (бие биенээ олохгүй байх);
4. Хоёр юмны солбих:
савх зөрөх (савхны үзүүр таарч нийлэхгүй байх),
хайчны ир зөрөх (хайчны ир солбих);
5. Тохирч таарахгүй болох:
тоо зөрөх (тоо дүнд зөрүү гарах),
санал зөрөх (санал нийлэхгүй байх),
үг зөрөх (а. Маргалдах; б. Санал бодлоо хуваалцах) -
Гар барих ах дүүсгүй, үг зөрөх андуудгүй, хань болох учраагүй. В.Шарма. Таван сургамж;
6. Хоёр зүйлийн ам зөрөх, солбих, давхцах:
савх зөрөх (савх нийлэхгүй байх),
туурга дээврийн ам зөрөх (туурга дээврийн уулзар зөрөх),
хайчны ам зөрөх (хайчны ам солбих);
7. [шилжсэн] Хэрэлдэх, маргалдах:
ам зөрөх (маргалдах).