1. Биеийн болон оюуны хүчийг сэргээхээр ажил, хичээл хийхгүй сул байх үе: амралт авах (амрах зөвшөөрөл авч, амарч эхлэх), амралтын мөнгө (ээлжийн амралттай байх үеийн цалин), амралтын өдөр (хууль ёсоор албан ажил хийхгүй бямба, ням гараг, ажлын бус өдөр), нийтээр амрах өдөр (хөдөлмөрийн хуулинд заасан, ихэвчлэн баяр ёслолын үеийн амралт), жирэмсний амралт (жирэмсэн учраас ажлаас олгох чөлөө);

---

2. Ажил хичээлийн их завсарлага: зуны амралт (сурагч оюутны зуны хичээлгүй сул үе), өвлийн амралт (сурагч оюутны өвлийн хичээлгүй сул үе), үдийн амралт (үдийн хоол ундны цаг), ээлжийн амралт (жилд нэг удаа ажилчин албан хаагчдын амрах эрх) - Нутагтаа амралтаар ирээд бидэнд их сургаалтай юм ярьж өгдөг. Ц.Дамдинсүрэн. Түүвэр зохиол;

---

3. Хүмүүсийг хүлээн авч алжаал тайлах, зугаацан цэнгүүлэх албан байгууллага - Бид гурвуул өглөөний цайны өмнө амралтын газар зугаацахын дашрамд мөн ном хаялцаж явлаа. С.Эрдэнэ. Хонгорзул., амралтанд явах (амралтын газар амрахаар явах), нэгдлийн амралт (нэгдлийн гишүүдийн амрах газар) - Амралтанд явуулж амруулахаар нэгдлийн ерөнхий хороо шийдсэн. Л.Түдэв. Нүүдэл., амралт сувилал [хоршоо] (алжаалаа тайлах болон өвчнөө сувилуулах газар).