1. Юмыг үүсгэн хийх, төлөвлөх, зохицуулах: зохион байгуулалт (нэгдсэн эмх цэгц, дэглэм журам), зохион байгуулах (үүсгэн байгуулах, гүйцэтгэх), зохион бичлэг (ямар нэг сэдвээр өгүүлэл бичих бичгийн ажил), зохион бүтээх (юмыг шинээр үүсгэн санаачилж туурвих), зохион гүйцэтгэх (өрнүүлэн гүйцэтгэх), зохион зааварлах (төлөвлөн зааварлах), ажил зохиох (ажил үүсгэн санаачилж гүйцэтгэх), төлөвлөгөө зохиох (төлөвлөгөө гаргах), уулзалт зохиох (уулзалт санаачлан хийх) - Тэд яруу найргийн өдрүүдэд үдэшлэг уулзалт зохиох, концерт тоглохоор бэлтгэж байна. “Урлаг утга зохиол” сонин;

---

2. Бичиг зохиол үйлдэх, боловсруулах - Тэндхийнхэн амьдралын хэрэгцээ болсон дал модныхоо тухай дуу шүлэг зохион магтан дуулж байдаг байна. “Цог” сэтгүүл., дууны аялгуу зохиох (дууны ая аялгуу, хөгжмийг шинээр бичих), жүжиг зохиох (жүжигт зориулсан бүтээл туурвих), кино зохиох (кино зохиол бичих), эх зохиох (бичгийн эхийг шинээр бичиж төлөвлөх);

---

3. [шилжсэн] Үнэн байдлыг гажуудуулж, санааны зоргоор ярих, бичих: санаанаасаа зохиож ярих (тухайн нөхцөлд тааруулан худлаа ярих).