Идээ ундааны хүндэтгэл нэр, эрхэм хүндэт хүнд барих идээ ундаа: зоог барих (идээ унд хүртэх), зоогийн газар (хөнгөн зууш, хоолны газар, ресторан), өглөөний зоог (өглөөний унд цай), үдийн зоог (үдийн хоол) - Их зам ийнхүү түр амарч үдийн зоог барьж байлаа. Л.Түдэв. Алтан гадас чигийг заана., зоог зууш хоршоо (хөнгөн зууш) - Зоог зуушаа базаах. Р.Жагварал. Монгол хэлний хүндэтгэлийн үг., манз зоог [хоршоо] (лам хуврагуудын цай хоол), цай зоог [хоршоо] (унд хоол), *зоогийн сав зогсоолдоо хүрэх (идэж суусаар цадах).