Морь малын аманд үмхүүлэх хазаарын нарийн гонзгой төмөр, зажилбар - Ган амгай дарсан ухаа хонгор дүүхэлзэнэ. Ц.Гайтав. Хувьсгалын зам., амгай дөлрөх (амгайн сэнж элэгдэж сэтрэх), амгай зуулгах (хазаарын амгайг сул биш, жолоог татан амгайг завжинд тулган зуулгах), амгай мултрах (амгайн сүүж болон чөмөгний сэнж мултрах), амгай түлхрэх (амгайн сэнж элэгдэж сэтрэх), амгай салгахгүй (морио амраалгүй хол удаан явах), амгай жолоогүй (а. Унаа морины ам дийлдэхгүй давхих байдал; б. Үгээ бодолгүй хэлдэг), амгайн сүүж (амгайн үзүүртээ битүү сүүжтэй гонзгой хос төмөр), амгайн чөмөг (амгайн үзүүртээ сэтэрхий сүүжтэй гонзгой хос төмөр), амгай зуузай [хоршоо] (амгай, түүний хазаарын гархи, жолоо цулбууртай холбоход зориулсан цагариг төмөр), нагацын морины халуун амгайгаар домнох (хүүхдийн ам гэмтэхэд нагацын морины халуун амгай зуулгаж домнох арга), амгай яр (хүний завжинд гардаг нэг зүйл яр).