1. Уяа дээсний зангилаа, зангилгаа: дээсний зангиа (дээсний зангирч эрчилсэн, сүлжсэн хэсэг), үдээсний зангиа (гутал үдэх, товчлох уяаны зангилаа);

---

2. [шашин] Шашны ёсонд хүнд зүүлгэхээр зангидсан хив хадаг - Хамаргүй Дэндэв залуусын хүзүүнд нэг нэг цагаан зангиа зүүжээ. Г.Батаа нар. Онцгой даалгавартан., зангиа сахиус (хүнд сахиус болгон зүүлгэх хив хадаг зэрэг), адис зангиа (адисалж хүртээсэн хив);

---

3. [шашин] Бурхны шашны найман тахилын зургаадугаар;

---

4. Хүний хүзүүнд зүүхэд зориулан хийсэн нэгэн зүйл чимэглэл - Цаанаас нь цагаан цамцан дээр улаан хулдаасан зангиа зүүсэн нь их л зохимжтой харагдана. С.Лочин. Сэтгэлийн өнгө., эрээн зангиа (тууш алаг, цоохор өнгийн зангиа), зангиа зангидах (зангиаг хэлбэржүүлэн зүүхэд бэлэн болгох);

---

5. [цээрлэсэн] Ялтны хүзүүнд зүүх дөнгө;

---

6. Нэгэн төрлийн хээ угалз: өнцөг зангиа (булангийн нэг зүйл хээ);

---

7. Нэгэн зүйл цэцэг: зангиа цэцэг [ургамал] (мөчир нь голдуу гурав гурваар салаалж ургадаг, зулгардаг өргөн хавтгай навчтай, анхилам үнэрт шар цэцэг дэлгэрдэг бут мод; салаа уян учир зангидаж болдог, эмийн найрлагад орно).