1. Муруй тахир мод зэргийг шулуутган засах ба шулуун зүйлийг тахир муруй болгоход хэрэглэдэг багаж: залуур авах (а. Шулуутган засах багаж гартаа барих; б. Залуур худалдан авах), залуур хийх (залах хэрэгсэл бүтээх) - Муруй модонд залуур олон. Ж.Дашдорж. Монгол цэцэн үгийн далай;

---

2. Хөлөг онгоц, нисэх онгоц, автомашин зэргийн зүг чигийг тохируулах бариул; жолоо - Тракторынхаа бариул залуурыг татаж эргэх гэснээ хажуудаа суугаа залуу бүсгүйн царайг ажиглан трактороо зогсоолоо. Л.Дашням. Бурхантын цэцэг., залуур барих (жолоо барих), онгоцны залуур (онгоцны удирдлага, онгоцны жолоо);

---

3. Удирдахуйн ухаан: залуур зүй (мэдээллийг боловсруулах, түүний холбоо, удирдлагын тухай шинжлэх ухаан);

---

4. Сэтгэлийн тэнхээ, өөрийгөө барих чадвар - Хүний сэтгэл залуургүй биш юм. С.Эрдэнэ. Хонгор зул.