1. Идээ ундааны зүйл, бусад зүйлийг улаан хоолойгоор оруулах: зажилж зажилж залгих (зажилж зажилж хоолой давуулах), ангайх амтай, залгих хоолойгүй [оньсого] (хайч), *бөмбөг залгих (жирэмсэн болох), *бүлх залгисан мэт болох (а. Ямар ч яриа хөөрөөгүй, дуугүй байх; б. Үг дуугарч чадахгүй гөлөлзөх, яахаа мэдэхгүй гацах), *үнэгний нүд залгих (унтахаа болих) - Атрынхны үнэгний нүд залгисан хүн гэж нэрлэсэн хүн нь Хүдэр мөн. Б.Бааст. Дарьсүрэн., шүлсээ залгих (а. Шүлсээ улаан хоолойгоор давуулах; б. [шилжсэн] Юманд ховдоглон шунаг сэтгэл гаргах);

---

2. [шилжсэн] Эзэрхэн эзэмдэх; толгой залгих шахах (ширүүнээр аашлан донгодох);

---

3. Завшин шамшигдуулах: залгиж дуусах (үрэн таран хийж дуусах);

---

4. [шилжсэн] Ойр дотнын хүнээ үхэлд хүргэх, үгүй болгох: толгойг нь залгих (ойр дотнын хүнээ үхүүлэх), эхийнхээ толгойг залгих (а. Эх нь төрүүлээд, нас барах; б. Эхээ үхэхэд хүргэх) - Заяагүй муу гуйлгачин, ямар сайндаа чи эцэг эхийнхээ толгойг залгив гэжээ. Ч.Чимид. Хавар намар.