Аарцыг зүсэж, базах зэргээр жижиглэж, хэв оруулан хатаасан цагаан идээний төрөл: ааруул дэлгэх (ааруулыг дэлгэц дээр өрж наранд тавих), ааруулын дэлгэц (ааруулыг дэлгэн хатаахад зориулсан хашлага хүрээ бүхий хавтгай мод), ингэний ааруул (ингэний сүүгээр хийсэн ааруул), хорхой ааруул (уртавтар нарийн хэлбэр оруулж хатаасан аарц), ааруул ээзгий [хоршоо] (сүүг боловсруулан шүүж хийсэн цагаан идээ), ааруул хурууд [хоршоо] (таргийг буцалган шүүгээд хэвэнд оруулж, янз бүрийн хэлбэр хэмжээтэйгээр хатаасан аарц) - Та нар хорин мөнгө өг, би ааруул хурууд авч өгье. Б.Ринчен. Үүрийн туяа., *шүд унасан хойно ааруул таарах (аливаа тусыг цагт нь биш өнгөрсөн хойно нь хүргэх).