1. Ямар нэг зүйлийг хийх боломж, бололцоо, нөхцөл: завшаан олдох (аз тохиох, боломж олдох) - Завшаан олдож байгаад зохиолч бид баяртай байгаа билээ. Ж.Пүрэв. Гурван зангилаа., завшаан тохиолдох (бололцоо гарах), завшааныг ашиглах (тохиол учралыг ашиглах, боломжийг алдалгүй хэргээ бүтээх) - Энэ завшааныг ашиглаж сайхан үгээ хэлдэг хэрэг. В.Шарма. Таван сургамж., ашиг завшаан [хоршоо] (олох ашиглах боломж, далим);

---

2. Аз, зол хийморь - Идэх юмаар тасалдаагүй завшаанд чонос өрхийн эмэгтэйчүүд харвах сургууль өдөр бүр хийнэ. Б.Ринчен. Заан залуудай., завшаан тохиолдох (санамсаргүй байтал санаанд нийцсэн тохиол учрах), завшаан эрэх (хүч хөдөлмөр хэрэглэхгүйгээр ямар нэгэн цаг тохиолыг ашиглан ашиг олохыг бодох), аз завшаан [хоршоо] (аз тохиол), зол завшаан [хоршоо] (зол учрал).