1. Бохир заваан болох;

---

2. Хэл ам арган хатах, шүлс өтгөрөх, эхүүн муу амт гарах: ам заваарах (ам хуурайшин, шүлс өтгөрөх) - Дотор нэг л хачин, ам хэл заваараад гээд чичрэх нь мэдэгдэв. Т.Дэчингунгаа. Өөдрөг зам;

---

3. Бие алжаах, хэтэрхий залхуу хүрэх: бие заваарах (хэтэрхий залхуу хүрэх);

---

4. Ажил байдал зүй зохисгүй болох, будилах бүтэлгүйтэх: ажил заваарах (үйл ажил бүтэхгүй унжрах) - Энэ муу сайн жаалуудтай заваарч байгаа цагт би сайнаа үзнэ гэдэг гонж доо гэж цухалдах болов. Ч.Чимид. Хавар намар;

---

5. Шингэн зүйл өтгөрч лаг болох: хоол заваарах (хоол өтгөрч лаагалдах) - Тогоотой хоол заваарч түлэгдэж байгаа бол уу. Ч.Чимид. Хавар намар., шүлс заваарах (шүлс өтгөрч наалданги болох);

---

6. [шилжсэн] Шалиглан завхайрах, самуурах, ичгүүрээ алдах, жигшмээр муухай үг ярих - Худал хэлэх, хоосон зориглох, хуурамч царайлах, учиргүй тэнэгтэх, шинжгүй шунах, ойворгогүй заваарах, ойшгүй загнах эл долоо нь савсаг эмийн шинж буюу. В.Шарма. Таван сургамж.