1. Дундад Африк, Энэтхэгт байдаг урт хошуутай, хоёр том соёотой сүүгээр бойжигч амьтан - Заан хэчнээн том ч замын аяыг дагана. ААЗ., зааны соёо (зааны хошууны хоёр этгээдэд буй урт соёо), зааны соёон суварга [зүйр цэцэн үг] (а. Бодит байдалд үл тохирох зүйл; б. Биелэгдэшгүй хий хоосон зүйл гэсэн санаа), заанаас заан гарч, барсаас барс гарна [зүйр цэцэн үг] (эх нь хээр алаг бол хүү нь шийр алаг гэсэн санаа);

---

2. Монгол төрийн наадамд долоо давсан бөхөд олгох цол - Өсөхбаяр аварга арав давж түрүүлэн Сэцэнханы Мин засгийн Гомбожав заан ес давж үзүүрлэжээ. Ж.Дамдин. Монгол бөх;

---

3. Заан мэт, аварга том, их: заан хад (сүрлэг том хад цохио), заан дал [ургамал] (далдуутан овгийн төрөл мод), заан мод [ургамал] (халуун орны асар том нэгэн зүйл шилмүүст мод), заан таваг [ургамал] (хужир, боргио, будаг, намаг, элс бүхий газраас бусад газарт ургана, хүрэн судалтай, ногоон иштэй, хүний хумсын төдий дүгрэг бөгөөд догол гарсан захтай цайвар ногоон навчтай, жижиг цагаан цэцэгтэй, үр таван хэлтэс нийлсэн шивээ өргөстэй нэгэн зүйл ургамал, шувуун таваг);

---

4. [яриа] Том цүнхтэй ачаа - Оюунчимэг Солонгосоос гурван заантай иржээ. О.Самбуудорж. Монгол хэлний этгээд үг хэллэг.