1. Хууль зүй, хэв суртлыг дагаж тогтсон ёс зарчим - Зуд нэг жилийнх, журам мянган жилийнх. Дамбасүрэн, Өлзийдүүрэн. Монгол ардын зүйр үг., журам алдах (сахилга алдах), журам болгох (мөрдлөг болгох), журам гажих (журам зөрчигдөх), журам гүйцэтгэх (тогтсон ёс жаягийг дагаж гүйцэтгэх), журам дагах (дэг ёсыг дагах), журам зөрчих (журмаас гадуур үйл хийх), журам сахих (хууль ёсыг дагах), журам тогтоох (дэг ёс тогтоох), журам эвдэх (тогтсон дэг ёсыг эвдэх), журмын нөхөр (анд найз), албан журам (төр захиргаанаас тогтоосон журам), дотоод журам (байгууллагын үйл ажиллагаанд мөрдөх тусгай дүрэм ёс), найрамдлын журмаар (найрамдлын ёсоор), нийгэм журам [хуучирсан] (эв хамт ёс, социализм), нэгдсэн журам (ерөнхий журам), тогтсон журам (хэвшсэн журам), шударга журам (үнэнхүү бат ёс), эвийн журам (эвийн ёс), ааль журам [хоршоо] (авир ёс, авир байдал), горим журам [хоршоо] (дэг ёс), дүрэм журам [хоршоо] (албан ёсны журам), дэг журам [хоршоо] (сахилга бат, тогтсон мөрдлөг), ёс журам [хоршоо] (тогтсон заншил, дэглэм, зарчим), заншил журам [хоршоо] (хэвшиж тогтсон журам), сахилга журам [хоршоо] (сахиж мөрдвөл зохих дэг), суртал журам [хоршоо] (хэвшин тогтсон ёс дүрэм), тангараг журам [хоршоо] (ам өчиг, андгайгаар батажсан журам), хэв журам [хоршоо] (сахилга батыг хадгалах тогтолцоо), цэгц журам [хоршоо] (гуйвшгүй бат журам) - Цэгц журамтай бай гэдэг юм. Д.Содномдорж. Түм буман хүүхэд., чиг журам [хоршоо] (ариун зорилгоо болгосон журам), эмх журам [хоршоо] (а. Юмны эмх замбараа, эмх цэгц; б. Үйл ажиллагааны тогтсон ёс дүрэм), журам горим [хоршоо] (дэг ёс), журам ёс [хоршоо] (тогтсон ёс) - Алтан улсын засаг цааз, арга билгийн журам ёс урваж, дотор гадна нэгэнтээ самуурч, чивхийтэл дээр доороор өдий тэмцэлдэн... В.Инжаннаши. Хөх судар., *журмын хашаа (замын хөдөлгөөний хууль, дүрэм зөрчсөн жолоочийг баалж, тээврийн хэрэгслийг нь албадан саатуулдаг хашаа);

---

2. Юмны боодол, богц: журам бөс (боодол бөс), журам даавуу (бүтэн даавуу), журам цаас (багц цаас);

---

3. Зан суртлын шударга чигч төвшин - Харьшгүй сайхан ааль журмыг хадгалан сахиж яваарай. Хуримын ерөөл., журмын нөхөр (бат итгэлт нөхөр), *шударга журам медаль (гэнэтийн осол аюулаас улс, олон нийтийн хөрөнгө, хүний амь биеийг аврах хэрэгт онцгой гавьяа байгуулсан иргэдийг шагнах тэмдэг).