1. Эмээлийн олмыг гогцоонд нь оруулж чангалдаг гөрмөл сур: жирэм сүлжих (жирэм гөрөх), жирмийн сүлжээ (а. Жирмийн ширхэг нэг нэгнийхээ наагуур цаагуур нь зөрөн барилдсан сүлжээ; б. Дайсны гүн ар талд гарч, хажуугийн эгнээндээ туслах байлдааны арга тактик), жирэмний угсуурга (эмээлийн олом жирэм уях суран гогцоо), гурамсан жирэм (гурваар гөрж сүлжсэн жирэм), олом жирэм [хоршоо] (морь, малын зоо, нуруунд эмээлийг хөдөлгөөнгүй тогтоох зориулалттай, сур дээсээр хийсэн уяа оосор; морь, малын хэвлий, хэнхдэгээр татна) - Морины амьсгаалах тоолонд самсаа нь сартас сартас хийж, олом жирэм нь салхи дэлсэн хуйварч байгаа харагддаг сан. Д.Цэдэв. Айргийн амт;

---

2. [шилжсэн] Гөрмөл, сүлжмэл зүйл: жирмэн бүс (гөрмөл бүс), жирэм таана [ургамал] (нэг зүйл таана).