1. Хүнд хөнгөнийг хэмжих багаж хэрэгслийн ерөнхий нэр, жин хэмжүүр: жинлүүрийн годил (а. Жинлүүрийн иш мод; б. Дүүжин жинлүүрийн туухай), жинлүүрийн дэгээ (жинлүүрийн утсанд таваг тогтоох дэгээ), жинлүүрийн нуруу (годилт жинлүүрийн иш годил), жинлүүрийн од (жинлүүрийн годил дээгүүр шигтгэсэн хүндийн хэмжээг илтгэх тоо), жинлүүрийн таваг (жигнэх зүйлийг тавих нимгэн төмөрлөг таваг), жинлүүрийн туухай (жинлэж байгаа юмтай тэнцүүлэн тавьж тэнцүүлэх тогтмол хүнд бүхий төмөрлөг), жинлүүрийн тэгнүүр (жинлүүрийн нуруу), жинлүүрийн утас (жинлүүрийн таваг зүүх оосор);

---

2. [зурхай] Дэлхийгээс нарыг ажиглахад есдүгээр сарын хорин дөрөвнөөс аравдугаар сарын хорин гуравны хооронд нарны харалдаа орших одны орд: жинлүүрийн ордныхон (есдүгээр сарын хорин дөрөвнөөс аравдугаар сарын хорин гуравны хооронд төрсөн хүмүүс).