1. Ямар нэгэн юмны бага нь: жижиг авдар (багтаамж муутай авдар), жижиг аж ахуй (өрхийн хэрэгцээний аж ахуй), жижиг байшин (багтаамж муутай байшин), жижиг бараа (аар саар эд зүйл), жижиг горхи (ус багатай горхи), жижиг гэр (бага гэр), жижиг зай (шалихгүй өчүүхэн зай), жижиг зүйл (хэмжээ багатай зүйл), жижиг мал (бог мал), жижиг ан (агнан ашигладаг туулай, тарвага, зурам зэрэг амьтад), жижиг үйлдвэрлэл (ахуйн хэрэгцээний жижиг зүйлсийн үйлдвэрлэл), жижиг үсэг (үгийн дунд, эцэст тэмдэглэгдэх үсэг), жижиг хадаас (богино хадаас, шалзан хадаас), жижиг хулгай (аар саар зүйлийн хулгай), жижиг хэлтэрхий (өчүүхэн жаахан хэлтэрхий), жижиг хэсэг (багахан хэсэг), жижиг ширээ (багахан ширээ, намхан ширээ) - Олон хүн жижиг ширээ тойрон суужээ. “Соёл утга зохиол” сонин., жижиг сажиг [хоршоо] (ойр зуурын аар саар юм, бага сага зүйл), жижиг сажиг юм цуглуулах [яриа] (бага сага юм цуглуулах);

---

2. Үйл хэргийн нэг их том биш; жижиг хэрэг (өчүүхэн хэрэг);

---

3. [шилжсэн] Ядмаг, богино, товч: жижиг наймаачин (аар саар зүйлийг худалдаж ашиг хонжоо олж амь зуудаг панзчин) - Олон жижиг наймаачин гэж олз ашиг бодохоос өөр юм боддоггүй. Б.Ринчен. Өмнө этгээдэд зорчсон тэмдэглэл., жижиг хөрөнгөтөн (эдийн засгийн талаар хүчин дорой бага хөрөнгөтөн), *жижиг гар (үүрэг оролцоо, нөлөө багатай хүн).