1. Нэлээд жигд, юм үзэгдэл түүний хэмжээ хөдөлгөөн нь адилхан, тэнцүүхэн, тэгшхэн байх - Үнэхээр цэвэрхэн царайтай том бөгөөд жигдхэн өргөн цагаан шүдтэй хүн байсан. Ж.Дамдин. Үймээний жил., жигдхэн ногоон (өнгө нь тун ойролцоо ногоон), жигдхэн өргөн (нийтдээ өргөн);

---

2. Бүгдээрээ, цөмөөрөө, цугаараа, нэгэн зэргээр, хамтаар - Энэ жилийн хувьд бол хэн хүнгүй жигдхэн чармайсны ачаар жилийнхээ ажлыг бараг хагас сарын өмнө гүйцээж болохоор тооцоо гарчээ. “Цог” сэтгүүл;

---

3. Яг адил, яг ижил, цулгуй, дан нэг өнгөтэй: жигдхэн өнгө (ойролцоо, ижилдүү өнгө);

---

4. Нэг хэв маягийн: жигдхэн хувцас (нэг хэвийн хувцас) - Жигдхэн хувцастай, өсгий тэгшхэн гуталтай байлаа. Ж.Дамдин. Эх орон.