1. Алхах хэмжээ, алхам - Данагар данагар алхаатайяа хө, дал мөрөө бүтээсэн гэзэгтэйеэ хө. Монгол ардын дуу., алхаагаа хурдасгах (алхах эрчмээ нэмэгдүүлэх),  жигд алхаа (жигд алхам), хөнгөн алхаа (хөнгөн гишгэх алхам), хүнд алхаа (нүсэр, жин ихтэй хүн, амьтны хөлөө удаан зөөн чанга гишгэх нь) - Нүсэр хүнд алхаатай хөлийн чимээ гарчээ. С.Лочин. Газрын дуун., алхаа гишгээ [хоршоо] (алхах гишгэх хэмжээ, байдал) - Алхаа гишгээ хатуухан морьдын хөлийн чимээ сонсогдов. А.Дашням. Өлзийнарангийн өчил;

---

2. Морь, тэмээний аажуу тайван газар хорооцтой явдал: алхаатай морь (алхам сайтай морь), гүйн хар алхаа (хамгийн хурдан алхам), замын хар алхаа (жирийн алхалт) - Морин дээр хөндлөн сууж, замын хар алхаагаар алхуулан бодлого болон яваа өргөн хүрэн царай нь тодорно. Б.Ширэндэв. Хоёр дахь учрал., алхаа орох (морь түргэн хөнгөн явдалтай болох).