1. Хүн, амьтны сүр сүлд, цог жавхаа, идтэй сайхан харагдах нь: жавхлан бүрдсэн (цог золбоо бүрдсэн, гоо үзэсгэлэн цогцолсон) - Орь залуугийн цог жавхлан бүрдсэн эрэгтэй эмэгтэй залуусын бие бялдар, зүс царай, хөдлөх байдал нь биширмээр. Б.Ринчен. Өмнө этгээдэд зорчсон тэмдэглэл., жавхлан төгс (жавхаа бүрэн);

---

2. Сүр хүчин, сүрлэг байдал, сүр бараа: сүр жавхлан [хоршоо] (сүр хүч, цог золбоо) - Цэргийн сүр жавхлан сүлд хийморь гэдэг огт өөр. С.Эрдэнэ. Өгүүллэгүүд., сүлд жавхлан [хоршоо] (цог жавхлан), цог жавхлан [хоршоо] (сүр хүч, жавхаа) - Дөрвөн ойрдын тэр эртний эрэлхэг дууллын цог жавхлан төгөлдөр аялгууны эгшиг дуурьсан гүйцэв. Б.Ринчен. Гүнж;

---

3. Баяр баясгалан, баясал цэнгэл - Алсын аян, замын шороо, хурц наранд борлосон энэ эмэгтэйн царайд гоо бүсгүйн жавхлан тодорхой ажээ. Ч.Лодойдамба. Тунгалаг Тамир;

---

4. Зол жаргал, аз заяа - Буян заяахад жавхлан заяана. Ж.Дашдорж. Монгол цэцэн үгийн далай.