Зан байдал өөдгүй, ханилгаа муутай: ёозгүй ааштай (нийцгүй муу ааштай), ёозгүй байдалтай (найзгүй байрын), ёозгүй өдөр (тэнгэр, цаг агаар тааруухан өдөр) - Тэнгэр бүрхэг ёозгүй өдөр байна. Ч. Лодойдамба. Тунгалаг тамир., ёозгүй хүн (олиггүй хүн) - Нямбуу нас ахисан албархаг ёозгүй хүн. Ц. Доржготов. Тэнгэр дуугарахын өмнө., ёозгүй зан гаргах (дэмий элдэв ааш гаргах) - Түүний ёозгүй ааштайг мэдсэн. Ж.Пүрэв. Аянга;

---

2. Хүний биеийн байдал муу, өвчтэй: ёозгүй байх (а. Бие далд зовуурьтай болох; б. Биеийн байдал нэг л өөдлөхгүй шинжтэй байх), ёозгүй болох (тааруу болох) - Дээш өндийлгөтөл тэр хүн нэг л ёозгүй болоод явчихлаа. С.Эрдэнэ. Өгүүллэгүүд;

---

3. Юмны үзэмж чанар сайнгүй: ёозгүй царай (нүдэнд хүйтэн царай) - Тэмээчин залууд “бадарчилж” яваа Темирбекийн ёозгүй царай содон санагдав уу, хажуудаа овоолсон ортуузыг урт модоор гол уруу дөхүүлснээ, түүнийг нэвт ширтэн гайхаж, -Та хаа хүрч явна вэ? гэж асуув. Т. Султаан. Сүмбэр уулс., ёозгүй өнгөтэй (зэвхий муу өнгөтэй), ёозгүй харагдах (онцгүй зэвүүн харагдах), ёозгүй хийцтэй (тааруу хийцтэй) - Харахад ёозгүй хийцтэй л авдар байна гэж түүний хэлэхэд... С.Буяннэмэх. Түүвэр зохиол.