1. Юм үзэгдлийг тус тусад нь бус, нийтэд нь авч үзэх, ерөнхий болгох: ерөнхийлөн нэрлэх (нийтэд нь нэрлэх) - Нам эвлэлийн гишүүдийг тэр цагт “Ардын намынхан” гэж ерөнхийлөн нэрлэж хялайн харах хүмүүс олон байв. Ж.Дамдин. Үймээний жил., ерөнхийлөн судлах (түгээмэл зүй тогтлыг нь судлах), ерөнхийлөн заах (нэгтгэн сургах);

---

2. Тодорхой биш болгох: тодорхой хэлэхгүй ерөнхийлөх (тодорхой хэлэхгүй бөөрөнхийлөх);

---

3. Дээд эрхийг барих, бүгдийг захирах: ерөнхийлөн удирдах (тэргүүлэн удирдах), ерөнхийлөн захирах жанжин (бүгдийг хамааран захирах жанжин) - Монгол улсын ардын намын бүх цэргийг ерөнхийлөн захирах жанжин танаа өргөв. Г.Пүрэв нар. Д.Сүхбаатарын үйл амьдралтай холбогдох баримтат материалын эмхэтгэл;

---

4. Тодорхой биш, тоймлох - Тэр илтгэлдээ тодорхой юм ярьсангүй, ерөнхийлж орхив. И.Дамбажав. Монгол үгийн дээж.