1. Шинэ идээ, ундааны өргөл цацалд хэрэглэх юм уу, эсвэл хүндтэй хүнд эхлэн барих хувь: архины дээж (архины түрүү хувь), идээний дээж (идээний эх), хоолны дээж (хоолны түрүү), цайны дээж (цайны эх хувь) - Архийг байхын зоргоор ууж болохгүй, идээний дээж гэдэг тэр хүндэтгэлд нь тааруулж амсах хэрэгтэй. Б.Бааст. Алтайн хөх дөнөн., дээж амсах (идээ ундааны зүйлд түрүүлж ам хүргэх), дээж авах (юмны охь хувийг урьдчилан авах), дээж барих (олсон, хийсэн эд идээний дээжээс эрхэмлэх хүнд түрүүлэн өгөх), дээжийг нь хүртэх (эх хувь амсах, хувь хүртэх), дээж өргөх (идээ ундааны зүйлийн түрүүчээс авч газар дэлхийд зориулан цацах);

---

2. Улсад тушаах, худалдаанд гаргах зүйлийн сорьц, чанарыг шалгахаар авах хувь: алтны дээж (алтны сорьц);

---

3. Эд юмс, эрдэм соёл, зохиол бүтээлийн охь сор: аман зохиолын дээж бичиг (аман зохиолын цоморлог);

---

4. Юмны сайн нь, илүү нь: дээж морь (а. Хурдан морины уралдаанд түрүүлсэн морь; б. Хүлэг сайн морь), хүний дээж (хүний дээд), татвар дээж [хуучирсан] (а. Нэгдүгээр байрын бай шагнал; б. Мөрийнөөс татаж авах хураамж).