1. Юмыг өлгөж гогодох хэрэгсэл: дэгээ төмөр (гогодох төмөр хэрэгсэл) - Тэрээр орцны хурц гэрэл дор зогсоод, халаасаа төнхөж, гялгар оосортой шаржигнасан олон түлхүүр гаргаж, дэгээ төмөр шиг махир цагаан түлхүүр сонгосноо хаалгандаа шургуулан хоёр эргүүлвэй. П. Баярсайхан. Нохойн хэвтэр., дэгээ цалам (цэцэгт ургамлын юмнаас цаламдан дэгээдэж дүүжигнэх, авирахад зохилдож дүрс хувирсан хажуугийн найлзуур), загасны дэгээ (загас барих гөх, загасанд үмхүүлэн барих хэрэгсэл) - Яарч сандран дэгээгээ худаг руу оруулж гэнэ. Б.Бааст. Алтайн цэцэг., гох дэгээ [хоршоо] (өлгөж гогодох махир хэрэгсэл) - Гоо төрсөн Өэлүн эх, гох дэгээ барин явж, гол завыг өгсөж уруудаж, гогод мангирыг түүн явж, хутагтан хөвүүдээ тэжээж өсгөв. Монголын нууц товчоо., *дэгээ ес (дэгээ хэлбэртэй есөн нүхтэй даалуу);

---

2. Бөхийн мэх: гадуур дэгээ (зүүн, баруун хөлийг эсрэг бөхийн баруун зүүн хөлийн гадуур лав оруулж дотогш гохдон дэгээдэх), дотуур дэгээ (зүүн, баруун хөлийн нэгийг эсрэг бөхийн хөлийн хоорондуур оруулж аль нэг хөлийг гогодон гадагш дэгээдэх) - Хав дөрвөлжин барьцнаас Далай заан дотуур дэгээ хутган цахаджээ. Д. Норов. Өвгөн шувуу;

---

3. Заль, мэх, бач, бааш: дэгээтэй хүн (арга заль, ов мэхтэй хүн) - Ямар ч байсан хар сахалтаас Амарыг холдуулах нэг муу дэгээ хийсэн. Ж.Пүрэв. Гурван зангилаа.